ಗಾಳಿಗೊಡ್ಡಿದ ದೀಪದಂತೆ

ಸಾಹಿತ್ಯ-ದೊಡ್ಡರಂಗೇಗೌಡ
ಸಂಕಲನ - ಮಾವು-ಬೇವು
ಸಂಗೀತ - ಸಿ.ಅಶ್ವಥ್
ಗಾಯನ - ಎಸ್.ಪಿ.ಬಾಲಸುಬ್ರಮಣ್ಯಂ

---

ಗಾಳಿಗೊಡ್ಡಿದ ದೀಪದಂತೆ ನಮ್ಮ ಬಾಳುವೆ ।
ಆಗಲೋ ಈಗಲೋ ಆರುವ ತೀರುವ ಬಾಳುವೆ ॥

ಯಾರಿಗು ನಾಳೆ ಹಾದಿ ಹೇಗೋ ಏನೋ ಗೊತ್ತಿಲ್ಲ
ಕಾಲದ ಅಂಕೆ ತಪ್ಪಿ ಯಾರೂ ಎಲ್ಲೂ ಉಳಿದಿಲ್ಲ
ಮುಗಿಯದ ಲೋಕದ ಪಯಣವೆಂದೂ ಬಂಧವೇ ॥೧॥

ರಾಗವು ಗಂಗೆಯಾಗಿ ಹರಿದಂತೆಲ್ಲ ಸಂಗವೇ
ಭೋಗವು ಮೈಯಲ್ಲೂರಿ ಬೆಳೆದಂತೆಲ್ಲ ಕೆಂಡವೇ
ಜಗದೊಳು ನಡೆದಿದೆ ರಾಗ ಭೋಗದ ಆಟವೇ ॥೨॥