ರಾಮ ಎಂಬುವ ಎರಡು
Friday 14 December 2018
ಸಾಹಿತ್ಯ-ಪುರಂದರದಾಸ
ರಾಮ ಎಂಬುವ ಎರಡು ಅಕ್ಷರದ ಮಹಿಮೆಯನು ।
ಪಾಮರರು ತಾವೇನು ಬಲ್ಲಿರಯ್ಯ ॥
ರಾ ಎಂಬ ಮಾತ್ರದೊಳು ರಕ್ತ ಮಾಂಸದೊಳಿದ್ದ ।
ಆಯಸ್ಥಿತಗತವಾದ ಅತಿ ಪಾಪವನ್ನು ।
ಮಾಯವನು ಮಾಡಿ ಮಹರಾಯ ಮುಕ್ತಿ ಕೊಡುವ ।
ದಾಯವನು ವಾಲ್ಮೀಕಿ ಮುನಿಯೊಬ್ಬನೇ ಬಲ್ಲ ॥೧॥
ಮತ್ತೆ ಮ ಎಂದೆನಲು ಹೊರಬಿದ್ದ ಪಾಪಗಳು ।
ಒತ್ತಿ ಒಳ ಪೋಗದಂತೆ ಕವಾಟವಾಗಿ ।
ಚಿತ್ತಕಾಯಂಗಳೆಲ್ಲ ಪವಿತ್ರ ಮಾಡುವ ಪರಿಯ ।
ಭಕ್ತವರ ಹನುಮಂತ ತಾನೊಬ್ಬನೇ ಬಲ್ಲ ॥೨॥
ಧರೆಯೊಳೀ ನಾಮಕ್ಕೆ ಸರಿಮಿಗಿಲು ಇಲ್ಲೆಂದು ।
ಪರಮ ವೇದಗಳೆಲ್ಲ ಪೊಗಳುತಿಹವು ।
ಸಿರಿಯರಸ ಪುರಂದರವಿಠಲ ನಿನ್ನಯ ನಾಮ ।
ಸಿರಿಕಾಶಿಯೊಳಗೀರ್ವೋ ಶಿವನೊಬ್ಬನೇ ಬಲ್ಲ ॥೨॥
Read more...
