विठ्ठल गीती गावा
Tuesday 6 May 2014
साहित्य-तुकाराम
विठ्ठल गीती गावा विठ्ठल चित्ति ध्यावा ।
विठ्ठल उभा पहावा विटेवरी ॥
अनाथांचा बंधू विठ्ठल कृपा सिंधु ।
तोडी भवबंधु यम पाश ॥१॥
तोची शरणागता विठ्ठल मुक्ति दाता ।
विठ्ठल हा संता समागमे ॥२॥
विठ्ठल गुण निधी विठ्ठल सर्वसिद्धि ।
लागली समाधी विठ्ठल नामे ॥३॥
विठ्ठलाचे नाव घेता झाले सुख ।
गोडावले मुख तुका म्हणे ॥४॥
Pandit Bhimsen Joshi performs : Read more...
