संधीकाली या आशा

साहित्य-गंगाधर महांबरे

---

संधीकाली या आशा, धुंदल्या दिशा दिशा, चांद येइ अंबरी ।
चांदराती रम्य या, संगती सखी प्रिया, प्रीत होइ बावरी ॥

मुग्ध तू नि मुग्ध मी, अबोल गोड संभ्रमी, एकरूप संगमी
रातराणीच्यामुळे, श्वास धुंद परिमळे, फुलत प्रीतिची फुले
प्रणयगीत हे असे, कानि ऐकू येतसे, गीती शब्द ना जरी ॥१॥

सांजरंगी रंगुनी, न कळताच दंगुनी, हृदयतार छेडुनी
युगुलगीत गाउनी, एकरूप हो‍उनी, देउ प्रीत दावुनी
प्रणायचित्र हे दिसे, रंगसंगती ठसे, कुंचला नसे जरी ॥२॥