కన కన రుచిర

సాహిత్యం - త్యాగరాజ

---

కనకన రుచిర కనకవసన, నిన్ను ॥

దినదినమును (అను)
మనసున చనువున నిన్ను ॥౧॥

పాలుగారుమోమున శ్రీయపారమహిమ దనరు నిన్ను ॥౨॥

తళతళమను ముఖకళగలిగిన సీత
కులుకుచునోరకన్నులనుజూచే నిన్ను ॥౩॥

బాలార్కభసుచేల మణిమయమాలాలంకృతకంధర
సరసిజాక్ష వరకపోల సురుచిరకిరీటధర సంతతంబు మనసారగ ॥౪॥

సాపత్నిమాతయౌ సురుచిచే కర్ణశూలమైన మాటల వీనుల
చురుక్కన తాళక శ్రీహరిని ధ్యానించి సుఖియింపగలేదా యటు ॥౫॥

మృగమదలలామ శుభనిటిల వరజటాయుమోక్షఫలద
పవమానసుతుడు నీదు మహిమదెల్ప సీతదెలిసి
వలచి సొక్కలేదా ఆ రీతి నిన్ను ॥౬॥

సుఖాస్పదవిముఖాంబుధర పవనవిదేహమానసవిహారాప్త
సురపూజమానితగుణాంక చిదానంద ఖగతురంగ ధృతరథాంగ
పరమదయాకర కరుణారసవరుణాలయ భయాపహర శ్రీరఘుపతే ॥౭॥

కామించి ప్రేమమీద కరముల నీదు పాదకమలములబట్టుకొనువాడు సాక్షి
రామనామరసికుడు కైలాససదనుడు సాక్షి
మరియు నారదపరాశరశుకశౌనకపురంధరనగజాధరజముఖ్యులు సాక్షిగాదా
సుందరేశ సుఖకలశాంబుధివాసాశ్రితులకే ॥౮॥

సతతము ప్రేమపూరితుడగు త్యాగరాజనుత
ముఖజిత కుముదహిత వరద నిన్ను ॥౯॥

Read more...

जगदानन्दकारक

साहित्यम् - त्यागराज

---

जगदानन्दकारक ।
जय जानकी प्राणनायक ॥

गगनाधिप सत्कुलज राजराजॆश्वर
सुगुणाकर सुरसॆव्य भव्यदायक, सदा सकल ॥१॥

अमरतारकनिचय कुमुदहित परिपूर्ण अनघ सुरासुरपूज
दधिपयॊधिवासहरण सुन्दरतरवदन सुधामय वचॊवृन्द
गॊविन्द सानन्द मावर जराप्त शुभकरानॆक ॥२॥

निगम नीरजामृतजपॊषका निमिशवैरि वारिदसमीरण
खगतुरङ्ग सत्कविहृदालयागणित वानराधिपनताङ्घ्रियुग ॥३॥

इन्द्रनीलमणिसन्निभापघन चन्द्रसूर्यनयन अप्रमॆय
वागीन्द्रजनक सकलॆश शुभ्रनागॆन्द्रशयन शमनवैरि सन्नुत ॥४॥

पादविजितमौनिशाप सवपरिपालवर मन्त्रग्रहणलॊल
परमशान्तचित्त जनकजाधिप सरॊजभववरदाखिल ॥५॥

सृष्टिस्थित्यन्त्यकार अमित कामितफलद असमानगात्र
शचीपतिसुताब्धि मदहर अनुरागरागराजित कथासारहित ॥६॥

सज्जनमानसाब्धिसुधाकर कुसुमविमान सुरसारिपुकराब्जलालितचरण
अवगुणासुरगणमदहरण सनातन अजनुत ॥७॥

ॐकारपञ्जरकीर पुरहर सरॊजभव कॆशवादिरूप
वासवरिपुजनकान्तक कलाधराप्त करुणाकर शरणागतजनपालन
सुमनॊरमण निर्विकार निगमसारतर ॥८॥

करधृतशरजालासुरमदापहरण अवनीसुर सुरवनकवीन
बिलजमौनिकृतचरित्रसन्नुत श्रीत्यागराजनुत ॥९॥

पुराणपुरुष नृवरात्मज आश्रितपराधीन करविराधरावणविरावण
अनघपराशरमनॊहर विकृतत्यागराजसन्नुत ॥१०॥

अगणितगुण कनकचॆल सालविडलन अरुणाभसमानचरण
अपारमहिम अद्भुतसुकविजनहृत्सदन सुरमुनिगणविहितकलश
नीरनिधिजारमण पापगजनृसिंहवर त्यागराजाधिनुत ॥११॥

Read more...

సాధించెనే ఓ మనసా

సాహిత్యం - త్యాగరాజ

---

సాధించెనే ఓ మనసా ।
బోధించిన సన్మార్గవసనముల బొంకు జేసి తా బట్టినపట్టు ॥

సమయానికి తగు మాటలాడెనే ॥

దేవకీవసుదేవులనేగించినటు ॥౧॥

రంగేశుడు సద్గంగాజనకుడు సంగీతసంప్రదాయకుడు ॥౨॥

గోపీజన మనోరథమొసంగలేకనే గేలియుజేసేవాడు ॥౩॥

సారాసారుడు సనకసనందనసన్మునిసేవ్యుడు సకలాధారుడు ॥౪॥

వనితల సదా సొక్కజేయుచును మ్రొక్కజేసే
పరమాత్ముడదియుగాక యశోదతనయుడనుచు
ముదంబునను ముద్దుబెట్ట నవ్వుచుండు హరి ॥౫॥

పరమభక్తవత్సలుడు సుగుణపారావారుండాజన్మ మనగుడి
కలిబాధలదీర్చువాడనుచునే హృదంబుజమునజూచుచుండగ హరి ॥౬॥

హరేరామచంద్ర రఘుకులేశ మృదుసుభాష శేషశయన
పరనారి సోదరాజవిరాజ తురగరాజరాజనుత నిరామయాపఘన
సరసీరుహదలాక్షయనుచు వేడుకొన్న నన్ను తా బ్రోవకను ॥౭॥

శ్రీవేంకటేశ సుప్రకాశ సర్వోన్నత సజ్జన మానసనికేతన
కనకాంబరధరలసన్మకరకుండల విరాజిత హరేయనుచు నే
పొగడగా త్యాగరాజగేయుడు మానవేంద్రుడైన రామచంద్రుడు ॥౮॥

సద్భక్తుల నడతలిట్లనెనే అమరికగా నా పూజగొనెనే
అలుగవద్దననే
విముఖులతో జేరబోకుమనెనే
వెతగలిగిన తాళుకొమ్మననే
దమశమాది సుఖదాయకుడగు శ్రీత్యాగరాజనుతుడు చెంతరాకనే ॥౯॥

Read more...

దుడుకుగల

సాహిత్యం - త్యాగరాజ

---

దుడుకుగల నన్నే దొరకొడుకు బ్రోచురా, ఎంతో ॥

కడు దుర్విషయాకృశ్టుడై గడియగడియకు నిండారు ॥౧॥

శ్రీవనితా హృత్కుముదాబ్జ వాంగ్మానసాగోచర ॥౨॥

సకలభూతములయందు నీవైయుండగ మదిలేకపోయిన ॥౩॥

చిరుతప్రాయమున నాడే భజనామృత రసవిహీన కుతర్కుడైన ॥౪॥

పరధనములకొరకు నొరుల మదిని
కరగబలికి కడుపు నింపదిరిగినట్టి ॥౫॥

తనమదిని భువిని సౌఖ్యపు జీవనమేయనుచు
సదా దినములు గడిపెడి ॥౬॥

తెలియని నటవిట క్షుద్రులు వనితలు స్వవశమౌటకుపదశించి
సంతసిల్లి స్వరలయంబులెరుంగకను శిలాత్ముడై
సుభక్తులకు సమానమను ॥౭॥

దృష్టికి సారంబగు లలనా సదనార్భకసేనామిత ధనాదులను
దేవాధిదేవ నెరనమ్మితినిగాకను పదాబ్జభజనంబు మరచిన ॥౮॥

చక్కని ముఖకమలంబునను సదా నా మదిలో స్మరణ లేకనే
దుర్మదాంధ జనుల కోరి పరితాపములచేదగిలి నొగిలి
దుర్విషయ దురాశలను రోయలేక సతతమపరాధినై చపలచిత్తుడైన ॥౯॥

మానవతను దుర్లభమనుచునెంచి పరమానందమొందలేక
మదమత్సరకామలోభమోహములకు దాసుడై మోసబోతిగాక
మొదటి కులజుడగుచు భువిని శూద్రుల పనులు సల్పుచునుంటినిగాక
నరాధములనురోయ సారహీనమతములను సాధింప తారుమారు ॥౧౦॥

సతులకై కొన్నాళ్ళాస్థికై సుతులకై కొన్నాళ్ళు
ధనతతులకై తిరిగితినయ్య త్యాగరాజాప్త ఇటువంటి ॥౧౧॥

Read more...

ఎందరో మహానుభావులు

సాహిత్యం - త్యాగరాజ

---

ఎందరో మహానుభావులు అందరికీ వందనములు ॥

చందురువర్ణుని అందచందమును హృదయారవిందమునజూచి
బ్రహ్మానందమనుభవించువారెందరో మహానుభావులు ॥౧॥

సామగానలోల మనసిజలావణ్య
ధన్యమూర్ధన్యులెందరో మహానుభావులు ॥౨॥

మానసవనచరవరసంచారమునెరిపి మూర్తి బాగుగ
పొగడనేవారెందరో మహానుభావులు ॥౩॥

సరగున పాదములకు స్వాంతమను సరోజమును
సమర్పణము సేయువారెందరో మహానుభావులు ॥౪॥

పతితపావనుడనే పరాత్పరునిగురించి
పరమార్ధమగు నిజమార్గముతోనుబాడుచును సల్లాపముతో
స్వరలయాదిరాగములదెలియువారెందరో మహానుభావులు ॥౫॥

హరిగుణమణిమయసరములు గళమున శోభిల్లు
భక్తకోటులిలలో తెలివితో చెలిమితో కరుణగల్గి
జగమెల్లను సుధాదృష్టిచే బ్రోచువారెందరో మహానుభావులు ॥౬॥

హొయలుమీర నడలుగల్గ్గు సరసుని సదా
కనులజూచుచును పులకశరీరులై
ఆనందపయోధినిమగ్నులై ముదంబునను
యశముగలవారెందరో మహానుభావులు ॥౭॥

పరమభాగవతమౌనివర శశివిభాకర సనకసనందన
దిగీశ సురకింపురుష కనకకశిపుసుత నారద తుంబురు
పవనసూను బాలచంద్రధర శుక సరోజభవ భూసురవరులు
పరమపావనులు ఘనులు శాశ్వతులు
కమలభవసుఖము సదానుభవులుగాక ఎందరో మహానుభావులు ॥౮॥

నీ మేనునామ వైభవంబులను
నీ పరాక్రమధైర్యముల శాంతమానసము
నీవులను వచనసత్యమును రఘువర నీయెడ సద్భక్తియు జనించకను
దుర్మతములను కల్లజేసినట్టి నీమదినెరింగి
సంతసంబునను గుణభజనానందకీర్తనముజేయువారెందరో మహానుభావులు ॥౯॥

భాగవతరామాయణగీతాదిశృతిశాస్త్రపురాణపు మర్మములను
శివాదిషణ్మతముల గూఢములన్
ముప్పదిముక్కోటిసురాంతరంగముల భావంబులనెరిగి
భావరాగలయాదిసౌఖ్యముచే చిరాయువుల్గలిగి
నిరవధిసుఖాత్ములై త్యాగరాజాప్తులైనవారెందరో మహానుభావులు ॥౧౦॥

ప్రేమ ముప్పిరిగొనువేళ నామమునుదలచేవారు
రామభక్తుడైన త్యాగరాజనుతుని
నిజదాసులైననవారెందరో మహానుభావులు ॥౧౧॥

Read more...