నిన్న లేని అందమేదో నిదుర లేచెనెందుకో

సాహిత్యం - సీ.నారాయణరెడ్టి
చిత్రం-పూజాఫలం (౧౯౬౪)
సంగీతం-సాలూరి రాజేశ్వర రావు
గాయనం-ఘంటసాల వెంకటేశ్వర రావు

---

నిన్న లేని అందమేదో నిదుర లేచెనెందుకో ॥

తెలియరాని రాగమేదో తీగె సాగెనెందుకో
నాలో .. నిన్న లేని అందమేదో నిదుర లేచెనెందుకో ॥

పూచిన ప్రతి తరువొక వధువు
పూవు పూవున పొంగెను మధువు
ఇన్నాళ్లీ శోభలన్నీ ఎచట దాగెనో ॥౧॥

చెలి నురుగులె నవ్వులు కాగా
సెలయేరులు కులుకుచు రాగా
కనిపించని వీణలేవో కదలి మ్రోగెనే ॥౨॥

పసిడి అంచు పైట జార
పయనించే మేఘ బాల
అరుణ కాంతి సోకగానే పరవశించెనే ॥౩॥